會員分享~鄧醫師義診的感受

410623658_334124322704170_8592440531884193366_n

感謝會員分享鄧醫師義診的感受，以下來文照登：

我是協會會員，早前帶同媽媽找鄧醫師做治療。本來以為只是來體驗一下頌缽。但是鄧醫師不只會敲頌缽，正骨，針灸，艾灸等樣樣有。只要你開口告訴他你的症狀，他就會用最合適的方法幫你處理。而且醫師為人搞笑幽默，根本不用怕悶場。每個人來找他治療的客人都被他逗得哈哈笑。學醫師話：「最緊要個人開心！」

講講治療嘅過程。聽到正骨，針灸，可能有人會怕痛，不過本人體驗過，是無想像中咁誇張的。將骨骼調整返去正確位置，你仲會覺得個人鬆左，活動都靈活左。針灸支針是比打針針筒幼的，吉落去果下你可能會有少少酸痛，但之後就無事。而且鄧醫師的手法非常專業，同我之前出去比錢做正骨是一模一樣的。唯一分別是鄧醫師不會逐樣計錢，做嘅過程個心都舒服啲。

仲有頌缽真係好神奇。做嘅過程感到非常放鬆，差少少訓著。同youtube聽到嘅係唔一樣的，現場聽非常震撼！大家不妨親身體驗一下。做嘅過程只需要放鬆個人，盡情去享受就好。

鄧醫師真是一個好人，帶著一份好心去做好事。你感受到他是真心想去幫助別人的。我非常欣賞他作為一個老人家，依然在運用自己的知識和力量去幫助其他人。在此也非常感謝協會，娘娘，提供了這樣一個良機。

義務頌缽音療 + 痛症治療服務